Tillaga um breytingu á aðal- og deiliskipulagi vegna Grenjar H3

Tillaga að breytingu á Aðalskipulagi Akraness 2005-2017 – Grenjar H3.

Bæjarstjórn Akraness samþykkti á fundi sínum þann 11. desember síðastliðinn tillögu að breytingu á Aðalskipulagi Akraness 2005-2017, skv. 31. gr. skipulagslaga nr. 123/2010. Fyrirhuguð skipulagsbreyting nær til hafnarsvæðis Grenja H3. Gerð er breyting á skipulagsákvæðum landnotkunarreits H3. Í greinargerð skipulagsins, felst nánari skilgreining á þeirri starfsemi sem heimil verður á svæðinu. Breyting á deiliskipulagi Grenja er auglýst samhliða.

Hér er hægt að nálgast tillögu að breytingu aðalskipulagi hér

Breyting á deiliskipulagi Grenja – Bakkatún 30-32.

Bæjarstjórn Akraness samþykkti á fundi sínum þann 11. desember 2018 tillögu að breytingu á deiliskipulagi Grenja, skv. 1. mgr. 43. gr. skipulagslaga nr. 123/2010. Breytingin tekur til lóðanna Bakkatún 30 og 32 og felst í að skilgreindur er nýr byggingarreitur fyrir viðbyggingu til suðvesturs frá núverandi byggingu. Hámarksvegghæð viðbyggingar er 6,5 m og hámarkshæð viðbyggingar er 11,5 m.

Hér er hægt að nálgast tillögu að breytingu á deiliskipulagi

Tillögurnar verða til kynningar í þjónustuveri kaupstaðarins að Stillholti 16-18 Akranesi og hér á heimasíðu Akraneskaupstaðar www.akranes.is frá og með 7. febrúar til og með 27. mars 2019. Eru þeir sem telja sig eiga hagsmuna að gæta hvattir til að kynna sér tillögurnar. Ábendingum og athugasemdum við tillögurnar þarf að skila skriflega eigi síðar en 27. mars í þjónustuver Akraneskaupstaðar að Stillholti 16-18, eða á netfangið skipulag@akranes.is