Umhverfisviðurkenningar 2024 - tilnefningar óskast

Akraneskaupstaður óskar eftir tilnefningum til umhverfisviðurkenninga fyrir árið 2024.

Óskað er eftir tilnefningum í 7 mismunandi flokkum sem eru:

• Falleg einbýlishúsalóð - þar sem horft er til umhirðu húss og lóðar, hönnunar, notkunarmöguleika og fjölbreytileika í gróðri.
• Falleg aðkoma – þar sem horft er til samspils milli götu, húss og hönnunar þar sem framhliðar húsa eru andlit heimilisins.
• Falleg fjölbýlishúsalóð - þar sem horft er til umhirðu húss og lóðar, hönnunar, notkunarmöguleika og fjölbreytileika í gróðri.
• Tré ársins – þar sem horft er til útlits og menningarlegs gildis einstakra trjáa.
• Snyrtilegt umhverfi fyrirtækis – eru veitt fyrirtæki sem er til fyrirmyndar hvað snyrtilegt umhverfi varðar.
• Samfélagsverðlaun - eru veitt hópum eða einstaklingum sem hafa unnið óeigingjarnt starf í þágu umhverfisins.
• Hvatningarverðlaun – eru veitt þeim sem hafa staðið að endurbótum húss/ lóðar og vel tekist til með.

Frestur til að skila inn tilnefningum er 20. ágúst næstkomandi og er það gert með að smella á hnappinn hér að neðan

Tilnefning til umhverfisviðurkenninga