Fréttir

Bláfáninn er alþjóðleg umhverfisvottun sem er veitt sem tákn um góða umhverfisstjórnun. Það var Sigríður Bylgja Sigurjónsdóttir, verkefnastjóri frá Landvernd sem afhenti Sævari Frey Þráinssyni bæjarstjóra fánann. Börn og starfsfólk frá Akraseli, Garðaseli og Grundaskóla voru viðstödd fánahyllinguna ásamt bæjarfulltrúum og starfsfólki Akraneskaupstaðar.

Í sumar verður starfræktur Knattspyrnuskóli ÍA og Krónunnar fyrir börn fædd 2006 - 2012. Skólastjóri verður Aníta Lísa Svansdóttir, aðstoðarþjálfari mfl.kvenna, þjálfari 2.fl.kv og þjálfari 6.fl.kv. Auk þeirra munu leikmenn meistaraflokks karla og kvenna kíkja í heimsókn....

Fimleikafélag Akraness ætlar að bjóða upp á sumarnámskeið í sumar. Námskeiðin eru fyrir stelpur og stráka á aldrinum 7 til 12 ára og fara öll fram í æfingaaðstöðu félagsins við Dalbraut (gamla ÞÞÞ húsið).

Leiðin að kjarnanum er sjálfstyrkingarnámskeið fyrir 10-12 ára stelpur sem haldið verður 9.-10. júní. Námskeiðið byggist á skemmtilegum verkefnum, leikjum og fræðslu um mataræði og hvernig hægt er að auka eigin hamingju. Farið verður í hugleiðslu og leidda slökun.

Bókasafn Akraness býður börnum á aldrinum 10 (f. 2008) -14 ára að taka þátt í ritsmiðju 11. - 14. júní. Leiðbeinandi verður Eva Rún Þorgeirsdóttir rithöfundur og til aðstoðar verður Ásta Björnsdóttir, bókavörður. Ritsmiðjan verður kl. 9:30-12.00.

Að venju býður Bókasafn Akraness upp á Sumarlestur fyrir börn á aldrinum 6 – 12 ára. Markmiðið með sumarlestri er að hvetja börn til lesturs, til að njóta góðra bóka og ekki síður til að viðhalda og auka færni sína í lestri milli skólaára. Börnin skrá sig til leiks frá 1. júní og lestrinum lýkur 11. ágúst.

Badmintonfélagið mun bjóða uppá badmintonnámskeið í tvær vikurnar í sumar. Fyrra námskeiðið er 11. - 15.júní og síðara námskeiðið er 18. - 22.júní. Námskeiðin er fyrir börn á aldrinum 6-12 ára (fæddum 2006-2012) og verður haldið í íþróttahúsinu við Vesturgötu. Badmintonnámskeiðið er skemmtilegt námskeið fyrir bæði stráka og stelpur.

Golfklúbburinn Leynir verður með Golfleikjanámskeið í sumar. Námskeiðið er ætlað öllum stelpum og strákum á aldrinum 6 til 10 ára (2008 til 2012). Markmið Golfleikjanámskeiðsins er að taka á móti stelpum og strákum sem vilja kynna sér íþróttina og ná árangri í golfi. Áherslan verður á golftengda og almenna leiki, og gott og skemmtilegt golfleikjanámskeið þar sem krakkarnir öðlast færni sem gerir þau að betri kylfingum.

Smiðjuloftið heldur sumarnámskeið fyrir krakka fædda 2005-2008. Námskeiðin eru fyrir krakka sem vilja kynnast klifuríþróttinni og hafa gaman af útiveru. Námskeiðin henta bæði byrjendum og þeim sem lengra eru komin í klifri. Athugið að hámarksfjöldi í hvern hóp eru 10 börn.

Hestamiðstöðin Borgartúni mun bjóða upp á reiðnámskeið í sumar. Reiðnámskeiðin eru ætluð börnum og unglingum á aldrinum 9 ára og eldri, byrjenda og fyrir þá með reynslu. Hvert námskeið stendur yfir frá mánudag til föstudags og eru kennd fyrir hádegi, frá kl: 10:00 - 12:00 eða eftir hádegi frá kl: 13:00 - 15:00. Aðeins eru 5 nemendur á hverju námskeiði.