Fréttir

1296. fundur bæjarstjórnar Akraness verður haldinn í bæjarþingsalnum að Stillholti 16-18, þriðjudaginn 11. júní kl. 17:00. Fundirnir eru öllum opnir og eru bæjarbúar hvattir til að mæta og kynna sér bæjarmálin. Vakin er athygli á því að hægt er að hlusta á fundinn á FM 95,0 og horfa á beina útsendingu á facebooksíðu Akraneskaupstaðar.

Leitað er eftir dagforeldrum til starfa á Akranesi fyrir komandi haust. Dagforeldrar starfa eftir reglugerð Félagsmálaráðuneytis um daggæslu barna í heimahúsi. Dagforeldrar eru sjálfstæðir verktakar en Akraneskaupstaður hefur umsjón og eftirlit með starfsemi þeirra.

Í dag var undirritað samkomulag milli Akraneskaupstaðar, Orkuveitu Reykjavíkur og Veitna um uppbyggingu innviða í bænum fyrir rafbílaeigendur. Byrjað verður strax í ár og verkefninu lokið á því næsta. Komið verður upp hleðslum á allt að sex stöðum í bænum. Þá munu Akraneskaupstaður og OR stofna sjóð sem úthlutað verður úr til húsfélaga...

Bæjarráð Akraness samþykkti á fundi sínum þann 31. maí síðastliðinn samstarfssamning milli Akraneskaupstaðar og Kaju organic ehf. um veitingasölu í nýju þjónustuhúsi við Guðlaugu á Langasandi. Um er að ræða tilraunaverkefni frá 1. júní til og 31. ágúst.

Stefnt er að því að starfsemi Fjöliðjunnar fari á fullt flug eftir helgina í húsnæði að Smiðjuvöllum 9 en eldur kviknaði í húsnæði þess að Dalbraut þann 7. maí síðastliðinn. Eldsupptök voru í batteríum úr veglyklum sem Fjöliðjan var að flokka fyrir Spöl/Vegagerðina.

Frá og með 15. júní næstkomandi mun Akraneskaupstaður hætta póstsendingu á greiðsluseðlum vegna fasteignagjalda. Fasteignaeigendur geta í gegnum íbúagátt Akraness séð upphæðir og gjalddaga á álagningarseðli ásamt færsluyfirliti.

Samkvæmt tilkynningu frá Vegagerðinni munu Hvalfjarðargöng vera lokuð aðfaranætur 5.-7. júní, vegna þrifa og viðhaldsvinnu í göngunum. Lokunin mun standa yfir frá miðnætti og til kl. 7 um morguninn.

Bláfánanum var flaggað í sjöunda skiptið á Langasandi þann 27. maí síðastliðinn en Bláfáninn er alþjóðleg umhverfisvottun sem veitt er smábátahöfnum, baðströndum og þjónustuaðilum í sjávarferðamennsku (t.d. hvalaskoðunarbátum) fyrir árangursríkt starf að umhverfismálum.

Akraneskaupstaður í samstarfi við Íþróttabandalag Akraness og Knattspyrnufélag Akraness hafa keypt fjóra svokallaða „klobbavelli” eða „pönnur”. Um er að ræða litla átthyrnda fótboltavelli þar sem að hægt er að spila hraða og skemmtilega leiki, einn á móti einum. Miðvikudaginn 29. maí síðastliðinn voru fyrstu tveir vellirnir vígðir á sitthvorri skólalóðinni