Fréttir

Akraneskaupstaður auglýsti starf persónuverndarfulltrúa laust til umsóknar í lok júní síðastliðinn með umsóknarfresti til og með 26. júlí. Umsóknir voru 12 talsins en tveir umsækjendur drógu umsókn sína tilbaka. Ráðningarferlið stendur yfir.

Mánudaginn 13. ágúst síðastliðinn var undirritaður samningur milli Akraneskaupstaðar og fyrirtækisins Spennt ehf. um byggingu fimleikahúss á Akranesi. Framkvæmir hefjast nú í ágúst og er áætluð verklok í desember 2019. Alls bárust fimm tilboð í verkið sem var opnað þann 31. maí síðastliðinn og var Spennt ehf. lægstbjóðandi með samtals 607 m.kr.

Faxabraut verður lokuð fyrir umferð frá og með fimmtudegi 9. ágúst til og með laugardegi 11. ágúst. Umferð flutningabíla er þó heimil og skulu ökumenn sýna aðstæðum tillitsemi og fara með varúð. Lokunin er vegna þess að verktaki við niðurrif Sementsverksmiðjunnar er að skipa út brotajárni þessa daga.

Skemmtiferðaskipið Le Boreal hefur boðað komu sína til Akraness fimmtudaginn 9. ágúst næstkomandi samkvæmt fréttatilkynningu Faxaflóahafna. Skipið kemur kl. 08:00 um morguninn og fer kl. 19:00 um kvöldið.

Akraneskaupstaður óskar eftir tilnefningum frá íbúum fyrir umhverfisviðurkenningar fyrir árið 2018 í eftirtöldum flokkum:

Vegna viðhalds í íþróttamiðstöðinni að Jaðarsbökkum, verður Jaðarsbakkalaug lokuð frá mánudeginum 13. ágúst til föstudagsins 17. ágúst næstkomandi.

Hægt verður að vitja óskilamuna í anddyri íþróttamiðstöðvarinnar að Jaðarsbökkum dagana 7. - 12. ágúst næstkomandi.

Uppfært 24.07.2018 Vegna veðurs hafa orðið tafir á fyrirhuguðum malbikunarframkvæmdum á Akrafjallsvegi. Til stóð að malbikunarframkvæmdum á Akrafjallsvegi myndi ljúka á miðnætti þriðjudagsnóttirna 24.-25. júlí en ljóst er að þær tefjist og komi þær til með að standa yfir til kl. 19.00, miðvikudaginn 25. júlí.

Þann 16.júlí 1988 var Jaðarsbakkalaug formlega vígð og fagnar því 30 ára afmæli í dag.

Bæjarráð Akraness samþykkti á fundi sínum þann 12. júlí síðastliðinn að ráða Jónínu Ernu Arnardóttur í starf skólastjóra Tónlistarskóla Akraness að fenginni tillögu skóla- og frístundaráðs. Staðan var auglýst í byrjun júní og voru tíu umsækjendur sem sóttu um stöðuna, einn umsækjandi dró umsókn sína tilbaka í ráðningarferlinu.