Fréttir

Bæjarstjórn Akraness samþykkti á fundi sínum þann 22. október sl. reglur um styrki vegna hleðslustöðva fyrir rafbíla við fjöleignarhús. Um er að ræða samstarfsverkefni Akraneskaupstaðar, Orkuveitu Reykjavíkur og Veitna um að veita styrki til húsfélaga fjöleignarhúsa á Akranesi til kaupa, uppsetningar og tengingar á hleðslustöðvum fyrir rafbíla á sameiginlegum bílastæðum á lóð viðkomandi fjöleignarhúss.

Seinni hunda- og kattahreinsun verður laugardaginn 2. nóvember í þjónustumiðstöð Akraness að Laugarbraut 6 (gamla slökkvistöðin). Samkvæmt 15. kafla reglugerðar um hollustuhætti nr. 941/2002 er hunda- og kattaeigendum skylt að láta ormahreinsa dýr sín árlega og er það innifalið í leyfisgjaldi.

Menningarverðlaun Akraneskaupstaðar eru veitt ár hvert í tengslum við Vökudaga og voru í dag veitt í þrettánda sinn við setningu hátíðarinnar. Verðlaunin eru veitt þeim einstaklingum eða félagasamtökum sem hafa skarað fram úr á einhverju sviði menningar hér í bæjarfélaginu. Menningarverðlaun Akraness 2019 hlýtur Útvarp Akranes sem Sundfélag Akranes starfrækir.

Menningarhátíðin Vökudagar hefjast í dag og er þetta í 18. skipti sem hátíðin fer fram. Hátíðin verður sett formlega kl. 17:30 við opnun sýningar Silju Sifjar Engilbertsdóttur að Kirkjubraut 8 og verða Menningarverðlaun Akraness 2019 afhend við það tilefni.

Bæjarstjórn Akraness samþykkti svohljóðandi ályktun á fundi sínum þann 22. október síðastliðinn: Bæjarstjórnin á Akranesi lýsir þungum áhyggjum yfir stöðu mála í Fjölbrautaskóla Vesturlands á Akranesi.

Bæjarstjórn Akraness samþykkti 24. september 2019 tillögu að óverulegri breytingu á Aðalskipulagi Akraness 2005-2017, samkvæmt 2. mgr. 36. gr. skipulagslaga nr. 123/2010. Breytingin felst í stækkun skólalóðar (stofnanalóðar) S16 til norðurs, á kostnað íbúðasvæðis Íb13 sem er minnkað til samræmis við stækkun S16.

1301. fundur bæjarstjórnar Akraness verður haldinn í bæjarþingsalnum að Stillholti 16-18, þriðjudaginn 22. október kl. 17:00. Fundirnir eru öllum opnir og eru bæjarbúar hvattir til að mæta og kynna sér bæjarmálin. Vakin er athygli á því að hægt er að hlusta á fundinn á FM 95,0 og horfa á beina útsendingu á facebooksíðu Akraneskaupstaðar.

Þann 2. október sl. var haldið vel heppnað íbúaþing um lærdómssamfélagið Akranes. Um 120 manns mættu til þátttöku og hlýddu á erindi sem og tóku þátt í umræðum.

Framundan er vetrarfrí á Akranesi og að því tilefni verður ýmis afþreying í boði fyrir fjölskylduna.